روائع مختارة | واحة الأسرة | قضايا ومشكلات أسرية | هل سأندم.. إن عدت إليه؟

/ﻪـ 
البحث:

هدايا الموقع

هدايا الموقع

روابط سريعة

روابط سريعة

خدمات متنوعة

خدمات متنوعة
روائع مختارة
الصفحة الرئيسية > روائع مختارة > واحة الأسرة > قضايا ومشكلات أسرية > هل سأندم.. إن عدت إليه؟


  هل سأندم.. إن عدت إليه؟
     عدد مرات المشاهدة: 1518        عدد مرات الإرسال: 0

السلام عليكم ورحمة الله وبركاته.. عندي مشكله كبيره مع زوجي وأبو أطفالي الثلاثه ...

فأنا لي أكثر من سنه تقريبا "عند أهلي بسبب خيانات زوجي المتعدده فمره على علاقةمكالمات مع بنات ومره مكالمات مع شغالات

واكتشفت إنه يقابل الشغالات في المنزل إذا غبت عنه وكنت عند أهلي وكان ينكر كل شي يسويه ولكني إكتشفت كل هذا عن طريق جواله لأنه يصورهن وكذلك كان يتبادل معهن رسائل الوسائط بعضها أترفع أنا عن إرساله لها وبعضها تحوي كلام حب وغزل ...الخ

حاولت معه كم مره يترك هالشغلات عنه ولكنه يقول مجرد تسليه ويواعدني يخليهم ولكن ما يفي بوعده يتركهم أيام وبعدين يرجع وزيادة على ذلك يشرب ومتهاون بالصلاة ويمد يده إذا عصب علي وعلى الأطفال وخاصة إذا شرب ولا يتوانى عن السب والشتم ...؟؟؟

المهم تحملت كل ذلك عشان أطفالي المساكين وخاصة إن السبب في تغيره هم أصحاب السوء لأنه ماكان كذا أول ماتزوجته ولكنه إنلم على شلة سيئة وكان يسهر معاهم بالأستراحات أو ينام عندهم بالشقق اللي يستاجرونها

كلمت الهيئة المسؤوله عن حينا وعطيتهم معلومات عنه عشان يراقيونه وينصحونه وفعلا "في أحد الأيام كان بيطلع لسهره مع الشباب كلمت واحد من رجال الهيئه عطاني رقمه عشان يجي يراقبه ويتابعه

والله يهديه حق الهيئة ما صبر لحد ما ينتصف الليل لحد ما يجتمع مع زملائه على طول راح له مع شباب متطوعين وفتشوا الشقه وما حصلوا شي عندهم وكانت الساعه تقريبا "10 مساء "يعني ما بعد بدت سهرتهم وراحوا وخلوه

وكلمت هيئه ثانيه وقالوا بنراقبه وما سولي شي المشكله مهو يكلم هالبنات والشغالات وبشرب بس ولكنه يأجر هاشغالات يعني شغله غير نظاميه وبرضو إحتمال إنه يأجرها بشي ثاني لأن الصور اللي شفتها يجواله تدل على شغالات بايعات أنفسهن يعضهن عليهن لبس عاري وخاصة إنهن إندونيسيات وفلبينيات ,,,!!!

بعد كل هالوقت كلموا أهله أهلي وقالوا تبيها ترجع إنه تغير وحنا ضامنينه وترك شغلة الشغالات وإتصلح حاله وصار شخص ثاني ومن هالكلام وكلمه الوالد وعاتيه ليش ماجاء أول ما صارت المشكله عشان يشوف وجهه نظره

المهم قعد يحلف لأبوي إنه تاب ورجع لله وترك الشغالات وبيرجع أحسن من أول وأهلي كل فتره متصل أحد منهم عشان يرجعوني لولدهم والمشكله من أول ما صارت المشكله لا هو ولا أحد من أهله سعى بالإصلاح وهم ما تحركوا إلا بسبب إنه تدخل واحد من الأقارب جزاه الله كل خير عني وعن أطفالي يارب وجزاء والدينه الجنه ويارب يرزقه من حيث لاتحتسب

أنا محتاره وخايفه وكنت خلال هالسنه اللي راحت أدعي الله وأستخير وأفكر بأطفالي وأستثير أهل الخبره نعم مختاره بأمري ياليت أحد يقدر يدلني أو يساعدني بمشكلتي لأن قريبي حصل على رقم صديقه وكلمه عشان يسأله عنه

وقال أمهلني كم يوم وكل مادق عليه يشوف وش صار معه ما يرد والحين مقفل جواله ولا عاد إتصل بقريبي هذا المهم حيرتي أبي أحد يأكد لي هل هو صدق تغير زي ماقال وحلف لأبوي وزي ما قالوا أهله لأهلي ما أدري كيف أكتشفه وكيف أدري هل هو صادق أو كاذب ...؟؟

أخاف أرجع له وبعدين يكون عكس اللي قال وبعدين أندم وبرضوا أخاف ما أرجع وأطلب الطلاق وبعدين نفس الوقت أكتشف إنه فعلا "تغير وبرضو أندم ...؟؟؟؟

محتاااااااااااره في أمري ومالي إلا الله ثم أنتم ساعدوني وأرشدوني إذا فيه طريقه أقدر منها أتأكد هل فعلا "زوجي تغير وتاب ورجع لله أو إنه يكذب علي زي كل مره ...؟؟؟؟

خاصة أني كل مره أزعل وبعدها أرضى على طول وأرجع ولكن هالمره ظليت عند موقفي تركته ومارحعت لهأأأأأأأأأأأأأسفه للأطاله ...

أنتظر ردودكم بفارغ الصبر ودعواتكم لي بأن يظهر الله الحق لي بين ليلة وضحاها وكله عشان هالأطفال المساكين اللي مالهم ذنب ...!!!

كتبت مشكلتي في أحد المواقع النسائية وما فادوني كثبر

أغلبهم قالوا إستخيري في رجعتك وأنا الحمدلله من يوم أجي عند أهلي وأنا أدعي وأستخير وفيه وحده قالت أتركي عنك التجسس ...؟؟؟؟

ولأني أخاف نفس الرد هذا يجيني من أحد الإستشاريين هنا وهو إني أترك التجسس فأحب أقول هذا كلامي بالنسبه للتجسس على زوجي وهو نفسه ردي على أحد العضوات :

من ناحية التجسس هو اللي خلاني أتابعه وأتجسس عليه لأني سمعته في أحد الأيام بطريق الصدفه يكلم بغرفه النوم كنت توي راجعه من المستشفى ماوداني ورحت مع سواق الأهل , وبرضو مره سمعته كنت منتبه من النوم الساعه تقريبا"7 الصبح وكان مسكر الباب اللي بين الصاله

والمجلس ويوم شفته مهو بمنامه قمت وفتحت الباب وسمعت صوته جاي من المجلس يكلم وكان يقول للبنت صوتك حلو وصورت حلوه ما عندهم إحساس اللي يقولون عن كلام مهو زين ...!!!؟؟؟

وحده بمكاني وش كانت بتسوي قلت ما أبي أتسرع ومارح أواجهه قبل لا أشوف وش السالفه ويوم طاح جواله بيدي فتشته وحصلت صور الشغالات والقائمه كله أرقام شغالات وبنات خاصه إنه هو اللي جاب الشبهه لنفسه كان معه جوال واحد فقط وفجأه طلع جوال ثاني وقال هذا خاص بالشغل

ولكن إذا جاء يكلم زملاء العمل يكلم على الجوال الأول هذا غير المكالمات اللي تجي بأخر الليل\وحنا سهرانين مع بعض أو رسائل وكان أحيانا\"يتركني ويطلع يقول هذا واحد من الربع يبيني أجيه

أسهر معه وأذا قلت وشلون تتركني وتروح لهم أي ربعك خاصة أكون مهيئه له جو السهره من اللبس والشكل وغيره وأنوم الأطفال كله عشان يرضى ولا يروح يسهر مع زملائه أو يطلع يكلم

وكان يدردش بالجوال وهاذي هي البدايه وأتوقع تعرفون دردشه الجوال زي اللي بالنت وهذي\كان يسويها عندي ويقول أتسلى فقط وكنت أقوله كما تدين تدان وما يجوز تدردش مع بنات ومن هالكلام وعن طريق الدردشه هذي كان يرسل رقمه للبنت اللي تعجبه وبعدها تتحول العلاقه من دردشه على الجوال لمكالمات بأنصاص الليالي

وبالنسبه للشغالات قالي إنه تعرف عليهن عن طريق واحد بالأستراحه وأتفق معاه على تشغيلهن وتأجيرهن للناس يعني يتكسبون من وراهن صحيح إنه يشغلهن بالأجار ولكن تعدى ذلك لأشياء مشبوهه ....!!!!؟؟؟

قلت للوالد لازم نراقبه أو نحط أحد يراقبه ولكن أبوي قال صعبه من بيراقبه لنا وأخواني صغار والأقارب ما فيه أحد نثق فيه وأساسا"ما يعرفون ما قلنا لأحد وقريبنا هذا اللي ساعدنا في منظقه غير منطقه الرياض يعني ما أدري أنا في دوامه ومحتاره ومن صارت المشكله وأنا أدعي وأستخير

وللحين قلبي ما إرتاح لرجعه وبنفس الوقت خايفه خايفه خايفه جدا"أرجع ويكون تغير\في بادئ الأمر وبعدها ينتكس لأنه زي ما قلت لكم يوعد ويتغير فتره وبعدها يرجع وينتكس ..!!!

نفسي بطريقه أو فكره تساعدني وتوصلتي للحقيقه لأني ما أبي أظلمه وأظلم نفسي وأطفالي وبرضوا ما أبي أغتر وأصدق وأرجع وبعدين يظهر لي عكس اللي قالي ....؟؟؟؟؟؟

وبالنسبه لجيته للبيت يوم كلمه الوالد عشان الأصلاح عطاه موعد يجي يقابله بالبيت \وفعلا\"جاء ولكنه مايبين من جلسه وحده أكيد بيجي بأحسن شكل وأفضل هيئه ...!!!؟؟؟

ملاحظه : سبب زعلي ووجودي عند أهلي هو أنه قبل سنه تزاعلنا بسبب عمله الإضافي وهو تأجير الشغالات قلت له هذي شغله غير نظاميه وأنا ما أرضى بهالشي مهما

"كان خاصه إنه أتضح لي إن العلاقه بينه وبينهن أكبر من تأجير لأني حصلت صور لهن في شقتنا مصورهن بجواله ولأني موظفه وشافني رفضت شغلته وواجهته خيرني بين الوظيفه أو البيت قالي إفصلي وإلزمي بيتك أو روحي لبيت أهلك

ولأني عارفه اللي وراه وعارفه بكل علاقاته ولأنه رافض يترك الشراب ومكالمة البنات وصار يتمادى بالسنه الأخيره الماضيه بالضرب والشتم لي وحتى لأطفالنا إذا عصب عليهم من شي يضربهم بشده وأنا يضربني مع وجهي أو مع رأسي أكثر شي

المهم إني رحت بيت أهلي وما قلت لهم على كل اللي صار إختصرت لهم المشكله وجلست أسبوع وبعدين إحتجت ملابس لي ولأطفالي الثلاثه (بنتين وولد) ورحت مع خادمة أهلي مع السائق عشان تساعدني على لم بعض الأعراض وكان الوقت الصباح وفتحت الشقه

وتفاجأت بشغاله موجوده في الشقه كانت جالسه في المجلس وعليها لبس شبه عاري وكانت جالسه على منام وقلت لها من أنتي وإيش تسوين هنا قالت وين خالد تقصده هو كان مسمي نفسه خالد قلت من متى أنتي موجوده هنا قالت من الليل أنا فيه نوم هنا..؟؟؟

إرتهبت وجتني رعشه ودوار وياله حملت نفسي وطلعت ورحت لبيت أهله عشان أخبرهم لأن عمري من تزوجته ما إشتكيت عليه عندهم رحت لأخوه اللي عند أمه وقلت لهم مشكلتي معه بإختصار قالت أمه لازم أشوف الشغاله لأنها ما صدقتني

ورجعت أنا وياها مع سواق الأهل وشافت الشغاله اللي كانت لابسه عبايتها وناويه تطلع وتهرب لولا إنه من حسن حظي قفلت عليها الباب قبل أطلع وجاء هو من عمله وهو عسكري لأن الشغاله دقت عليه تخبره إني جيت وشفتها

ويوم دخل الشقه جلس يهاوش وضربني قدام أمه وطردني من الشقه وقال لأمه أنا بفهمك السالفه واتضح لي بعدين إنه ضحك على أهله وصدقوه قال هذي لواحد جابها عندي الصبح من زملائي والحين بيجي ياخذهايقصد بنفس اليوم طبعا"أمه دقت على أهلي وقالت لأمي ليش بنتك كبرت السالفه ...؟؟؟

طبعا"حاولت أمه ترجعني على طول بدون حتى ولا كلمهة إعتذار عن اللي سواه ولدهم وبالعكس أخذت تسب فيني أنا وأني موريه ولدها الويل من تزوجته على حسب كلامه وقالت حرام عليها تتهم ولدي كذب طول عمره طيب ولا عمره قرب هالأشياء ذي ...الخ طبعا

"بتبرر موقف ولدها وكذلك هو يحاول يبرر موقفه يوم شافو ما فيه فايده خاصة أن أمي قالت لازم يجي عن أبوها ويتفاهم معاه الشغله مهي سهله رفضوا نهائي والوالد رفض يكلمه قال لازم هو يجي بنفسه وجلست حوالي السنه ما شاف أطفاله إلا أربع مرات متفاوته يجي ياخذهم ويرجعهم من اليوم الثاني

وطبعا"كل هالوقت ما أرسل لا مصروف ولا غيره لهم خاصة إني سجلتهم الولد بالتمهيدي والبنت بأول إبتدائي والصغيره ماتدرس عمرها سنتين يمكن لأني موظفه تركهم وتخلى عنهم ...؟؟!!

والأن بعد كل هالفتره كلم هو على أمي وأخذ يسب فيني ويقول إني من تزوجتهامن عشر سنوات وهي لا تناظرني ولا تناظر الأطفال وأنا اللي أزينهم
وأنا وأناووووو...الخ

المهم عصب أبوي وغضب وقال ليش مادق علي عشان نتفاهم بعدين قام كلمه وقال أنا إنتظرتك تجي ونتفاهم على اللي سوبته قام قال للوالد نفس الكلام اللي قاله للوالده فقاله الوالد شف اليوم اللي يناسبك وتعال

المهم بعد كم يوم أخذ موعد من أبوي وجاء يقابله ما فيه كلمه شينه ما قالها بحقي وحلف لأبوي إنه ماقد ضربني يمكن كم مره وعالخفيف وحلف إنه مابينه شي هو والشغالات وإنه خلاص ترك هالشغله وعرف خطأه وأنه تراجع عن اللي يسويه وقال خلاص لازم أرجع البيت طبعا

"الوالد من الأول يوم سعى للإصلاح وبادر بمكالمته كان هدفه عشان الأطفال وعشان ما ننفصل عن بعض \فلا هو ولا أهله سعوا أوبادروا بالإصلاح أو حاولو يقربون وجهات النظر ويعرفون إيش هي المشكله ويعالجونها بطريقه صحيحه...!!!

المهم طلب مني الوالد إني أكلمه حسب طلبه قلت كيف أكلمه وهو كذبني والكلام اللي قاله لك غير صحيح لأنه كذا وكذا وكذا ...الخ قال الوالد إنه يقول إني تغيرت خلاص قلت له أبي إثبات ودليل إنه تغير ما يكفي حلفه وكلامه لأنه كان دايم يحلف لي ويرجع أردى من الأول

قال الوالد طيب تبين أسألك عنه بالدوام قلت إيه مافيه إشكاليه إسأل وبعد كم يوم تفاجأت بأبوي يوم سألته وش صار ..؟؟؟

قال ما حصلت أحد يقدر يسألناعنه , واحد من خوالي جزاه الله كل خير كان يحاول يصلح بينا يوم عرف بالمشكله كلم عليه قبل عيد الأضحى ولكنه قال على حسب كلام خالي لاتدخل بيني وبين زوحتي ..؟؟؟ حصل خالي على رقم خاله عشان يكلمه عنه طبعا

"أبوه متوفي وهو أكبر أخوانه الذكور الخال هذا سمعته طيبه وحسنه وقال خالي بيدخله بالموضوع عشان يجتمع مع أبوي ويناقشون موضوعنا ومشكلتناطبعا" كلمه خاله ونفس الشي طلب منه عدم التدخل بالموضوع على حسب كلام خالي

فقام خالي كلم أخوه الصغير وهو متزوج ومدرس وهذا هو الأخ اللي عايش عند الأم أخوه قال لازم أكلمها وأخذ الكلام منها وكلمني وقلت له بإختصار عن مشاكلي مع أخوه وطبعا

"المشاكل الأهم والكبيره وهي الشراب والتهاون بالصلاة واالشغالات والبنات والضرب والشتم وقال حنا نبيك ترجعين عشان أطفالكم وأنتي هل تبين الإصلاح وتبين ترجعين له قلت أكيد عشان الأطفال أبي أرجع ولكن لازم تتأكد لي من أخوك هو فعلا

"تاب ورجع لله لأني عانيت معه كثير وعمله هذا ما يرضي الله ورسوله ولا خلقه وقلت بيني وبينك الله \ومن هالكلام وأخذ رقم الوالد عشان يكلمه ويناقشه بالموضوع وواعدني يكون خير وإنه بيراقب سلوكه ويشوف ويتأكد لي هل فعلا "رجع وتاب وتغير

بعد حوالي عشرة أيام كلم أخوه الوالد وتناقشوا ونفس الكلام اللي قاله لي قاله للوالد وهو إنه بيراقب أخوه ويشوف تصرفاته وسلوكه وبعدين يرد لنا خبر والحين صار تقريبا

"شهر ولا عاد دق وكلم هالأخ اللي واعدنا يجيب لنا أخبار عنه وأنا لازلت أنتظر ومتمسكه بأخر محاوله وأخر رمق لإنقاذ حياتنا الزوحيه من الإنهيار والإنفصال ولكن لأن عندي إحساس إنه ماتغير وإنه يكذب ويتظاهر بغير مظهره الحقيقي لحد ما يظمن إني رجعت له مرة ثانيه

وبعدها يمكن بعد كم شهر يظهر لي العكس خاصة إن وحده من خواته كلمتني قبل إسبوعين وكانت تحاول ترجعني له وقلت لها إظمنوه لي وأثبتوا إنه تغير عشان يتطمن قلبي وأرجع وأنا متأكده المهم قالت إنه يقول إذا ما إرجعت بتزوج عليها ...؟؟؟ يعني تهديد ووعيد ...؟؟؟

طيعا"الله اللي يشهد علي وعلى كلامي وأنا ما ظلمته ولا إتهمته ...!!؟؟ لا أنكر طيبته ومعاملته الجيده لي السنوات الأولى من الزواج وحنيته علي وعلى الأطفال خاصة الأول والثاني .. والله ما أنكر أي شي طيب وحسن عمله عشاني وعشانهم ولكن ..؟؟؟

لم يتغير علينا إلا بعد ما سافر مع صديقه قبل أربع سنوات لتايلند وقبل العام سافر لأندونيسبا والبحرين وصديقه هذا صديق سوء لأنه فتح له مجال السفر لهذي البلاد ولوحده فقط دون أن يأخذنا معه على الأقل حتى يحفظ نفسه من الحرام ومن النظر للحرام

وأنا ماشهدت عليه ولكن صديقه هذا أكبر واحد معين له على الفساد لأني سمعته يكلمه بالجوال طبعا "بالإشارات عشان ما أفهم عليه واللي فهمته إنه يتكلم عن نوع من الشراب المحرم وكذلك أسمعني هو بنفسه (زوجي) كلام صديقه بالجوال كان واضع سبيكر وكان ينصحه يكلم بنات ويصادقهن ...؟؟؟؟

وصديقه هذا هو اللي ساعده ومهد له السفر خاصة إنه يعمل بالخطوط الجويه السعوديه ...؟؟؟؟ وأنا ما أطهر نفسي صحيح إني موظفه وعصبيه وأحاول قدر الإمكان ماإتمشكل معه وأراضيه إذا تزاعلنا وأحاول ما أرفع صوتي عليه وكذلك أكرم أهله خاصة أمه يعني فيني سلبيات

وكنت أحاول أعالجها وبرضو فيني إيجابيات \وكنت أحاول أوفق بين البيت والشغل وأحاول أعوظه بنهاية الإسبوع ومابين فتره وفتره أغير من لبسي وشكلي وأشتري ملابس جديده ومكياج جديد ...الخ وأهديه كل سنه عند مناسبه زواج وأعياد وغيره

وكذلك لازم أغير من نفسي من ناحية الصبغات والقصات وأهتم بنظافتي وفي نظافة أطفالي وفي البيت ووو ...الخ وأحاول أرضيه باللي أقدر عليه خاصة من ناحية العلاقه الخاصة أنفذ له رغباته عشان ما يتطلع لغيري وأحفظه عن الحرام لدرجة إنه يطلب مني أشياء أسويها له

وأنا أنقرف منها ولكن لأنه تثيره هالأشياء أسويها له وأتجاوب معه وأظهر ذلك أي إني سعيده معه وإني مستمتعه باللي يسويه لي وباللي أنا أسويه له ولا أنكر إني فعلا "أكون مستمتعه معه في بعض الأحيان وأقوله إذا سألني وهو يقول إنه يستمتع معي !!؟؟

بعد كل هذا ما أدري وين العيب ومن مين مني ولا منه ولا منا كلنا ..؟؟ وين المشكله وش أساس المشكله لبش هو يعمل كل هالأشياء ذي هل لأنه كان من قبل الزواج يسويها ...؟؟؟

لأني شفت صور له قديمه محتفظ فيها كان مسافر لأحد الدول العربيه مع واحد من الأصدقاء ومصورين مع بنات قاعدين معهم بغرفتهم وفيه لقطات فيها ماسكين المشروب وكل واحد مصور الثاني وهو للأسف حاظن وحده من بنات الليل فوق السرير ...؟؟؟؟

شفتها بطريق الصدفه وسكت ما قلت له ليش مخفيها عني ما أبي أجرحه وأجرح كرامته قلت يمكن هذي نزوه قبل الزواج وأغلب الشباب كذا ويمكن نساها ولا قلت له ولا ذكرته دامه أخفى عني الأمر وعشان ما يتهاون فيني لو درى إني شايفتها

خاصة إني أرسلت قبل سنتين إستشاره لموقعكم وأشار علي أحد الإستشاريين بعدم إظهار ما شاهدته له ونصحني نصائح وهذي ليست المره الأولى اللي أرسل عن مشاكلي معه ...؟؟؟ فما أدري هل السبب مني أو منه أو منا كلنا ...؟؟؟؟

أتمنى أن أجد الرد الكافي والحل الشافي لمشكلتي الكبيره والعميقه وأتمنى أن تقرأو كلامي كله عشان تفهمون مشكلتي وعمقها اللي فصلت فيها لحجم وكبر معاناتي خاصة عشان الأطفال المساكين لابد أن أجد حلا "سريعا "لهذه المشكله العويصه

خاصة إنهم يسألون عن والدهم وينه من زمان ما شافوه وأناأقولهم مسافر يشتغل عشاننا ...!!!أأأاسفه لأني طولت الكلام وأتمنى ما تلوموني بكثرة كلامي وما كتبت ..!؟أختكم الجريحه

أختي الكريمة الجريحة : أسعد الله جميع أوقاتك بالخير والمسرات .

أعتذر كثيرا عن تأخري في الرد على موضوعك وذلك بسبب سفري وانشغالي خارج الوطن .

بخصوص موضوعك فقد قرأته واستنتجت منه:

1/ انك تعرضت لخيانات متكررة من زوجك .

2/ انك هجرتي زوجك لسنه كاملة عند أهلك .

3/ إنك محتارة في رجوعك لبيتك بعد أن أكد لك أهله بأن حاله قد صلح .

أختي الكريمة:

أنا لا أجد مشكله في انك تمنحي زوجك فرصه في العودة إلى بيتك من اجل أطفالك فقد يكون بالفعل قد صلح حاله وتعدل سلوكه.

وسوف يتضح لك الأمر في الأيام الأولى من عودتك ، وإذا وجدت أن الأمر لم يتغير وأنه لا يزال على سلوكه فعندها تستطيعي اتخاذ القرار بطلب الطلاق وحينها لن تندمي على ذلك حفاظا على حياتك وسمعة وتربية أبنائك.

أما إن وجدت أنه بالفعل قد تغير فهذه نعمه من الله تعالى وهو المكسب المطلوب من ابتعادك عنه لسنة كاملة .

ولكن أنصحك قبل أن تعودي إليه أن تجلسي مع والدك وتتفاهمي معه في هذا الأمر بحيث تعودي لبيتك وعندما تلاحظي زوجك بأنه لم يتغير فلى والدك أن يقف بجانبك بحيث تعودي لبيت اهلك ويطالب بحقوقك من انفصال ونفقه للأبناء .

تمنياتي لك بالتوفيق وبحياة مليئة بالسعادة وأن يبدل الله تعالى لك الأحوال إلى أحسنها .

الكاتب: د. صالح بن عبد الله العقيل

المصدر: موقع المستشار